Etiological and Clinical forms of Subarachnoidal Hemorrhages

ABSTRACT

Удиртгал Тархины торлог бүрхэвчийн дорх харвалт гэдэг нь тархины зөөлөн бүрхүүлийн судас гэмтсэнээс цус торлог (аалзан) бүрхүүлийн дорх зайд нэвтрэн орохыг хэлдэг. Энэ хамшинжийн эмнэлзүйн харьцангуй бие даасан өвөрмөц онцлог нь түүний шалтгаан, эмгэгжамын хүчин зүйлс олон янз байдгаар тайлбарлагдана. Торлогийн дорх харвалтыг саяхан болтол олон төрлийн шалтгаанаар нөхцөлдсөн бие даасан нэг хамшинж хэмээн үзэж байлаа. Харин сүүлийн үеийн судалгааны үр дүнд торлогийн дорх харвалтыг эмнэлзүйн явцын онцлогоор нь өөр хоорондоо ялгагдах эмнэлзүйн хэд хэдэн хэлбэрүүдээр (цүлхэнгийн, гэмтлийн г.м.) ялган авч үзэх болсон байна (1-8). Судалгааны ажлын зорилго нь тархины торлог бүрхэвчийн дорх харвалтын шалтгаан, эмнэлзүйн хамаарлыг судалж, эмнэлзүйн зонхилох хувилбаруудыг тогооход чиглэгдсэн болно.